Guðmundur Ingi Kristinsson bar upp fyrirspurn til forsætisráðherra, m.a. um málefni Hugarafls á Alþingi undir liðnum óundirbúnar fyrirspurnir. Guðmundur biðlaði til forsætisráðherra á að koma í veg fyrir að samtökin verði lögð niður. „Þetta eru félagasamtök sem virka 100% og eru frábær,“ sagði Guðmundur Ingi og kvað Hugarafl vera með 12.000 komur á ári. „Þetta eru 55 milljónir sem eru þarna undir og það á að byrja að rífa þetta niður núna.“
Forsætisráðherra, svaraði því svo til í fyrra svari, að málefni Hugarafls væru á borði heilbrigðisráðherra og hún vænti þess að ráðherra tæki þau mál fyrir og föstum tökum, Í seinni svari sínu tjáði Katrín hins vegar þingheimi að málefni Hugarafls og notenda væru hjá félagsmálaráðherra. Hugarafl sendi nýlega frá sér fréttatilkynningu þar sem kemur fram að styrkir frá félagsmálaráðuneitinu lákka um 2.5 milljónir til samtakanna fyrir árið 2018. Félagsmálaráðherra er nú þegar búinn að vísa til baka á heilbrigðisráðherra um að finna fjármagn til að tryggja rekstur Hugarafls og GET.
Guðmundur Ingi ræddi einnig við Reykjavík síðdegis á Bylgjunni og má heyra það góða viðtal hér fyrir neðan ásamt fyrirspurn þingmannsins til forsætisráðherra.
Hugarflsfólk er nú farið að kannast við aðferðir ríkistjórnarinnar sem enn og aftur kasta notendum og samtökunum á milli hæða í Velferðarráðuneytinu. Á milli ráðherra heilbrigðismála og félagsmála sem hvorugur taka ábyrgð á stöðunni. Og í dag bættist forsætisráðherra við þann hóp sem gefur engin svör, viðheldur óvissunni og bendir á alla aðra. Takk fyrir góða fyrirspurn Guðmundur! Við gefumst ekki upp við að leita svara!