Hugarafl stendur fyrir sýningu á heimildarmyndinni „Healing Vocies“ í Bíó Paradís föstudaginn 14. október. Myndin segir frá reynslu þriggja einstaklinga sem eru notendur geðheilbrigðiskerfisins í Bandaríkjunum og er tekinn yfir 5 ára tímabil.
Þau Oryx, Jen og Dan greina ítarlega frá reynslu sinni af að heyra raddir í tengslum við „andleg veikindi“ og hafa tekist á við sín „veikindi“ á óhefðbundinn hátt sem samræmist ekki læknisfræðilega módelinu eins og það er í dag
Sú hugmyndafræði sem birtist í myndinni er höfð í heiðri í allri starfsemi Hugarafls, þ.e. að bati hvers og eins er einstaklingsbundið ferli og þarf hver og einn að vera upplýstur um mismunandi leiðir að bata og ver virkur þátttakandi í allri ákvarðanatöku.
Oryx höfundur myndarinnar verður viðstaddur sýninguna og mun svara fyrirspurnum úr sal að sýningu lokinni.
