„Við upplifum að það sé ekki talað við okkur,“ segir Málfríður Hrund Einarsdóttir, formaður Hugarafls. Samtökin stóðu fyrir fjölmennum mótmælum við Velferðarráðuneytið í dag til að hvetja stjórnvöld til að tryggja framtíð Hugarafls. Mótmælin voru þögul en það er ljóst að fólk á mikið undir starfinu.
„Mér finnst Hugarafl það besta sem fyrirfinnst í íslenskri geðheilbrigðisþjónustu í dag og það er verið að stofna lífi þess í hættu,“ segir Páll Ármann sem mættur var til að sýna samstöðu með samtökunum.
Fyrir ári síðan var mjög svipuð staða uppi á teningnum og þá heimsóttum við Hugarafl í Borgartúni áður en farið var að ráðuneytinu.
Frétt birtist upphaflega á mbl.is
