Millivika - Alla fimmtudaga frá 12:15 – 13:15 býður Bjarni Karlsson prestur upp á samveru í húsnæði Hugarafls í Síðumúla 6. Öll sem langar að eflast í trú, von og kærleika eru hvött til að vera með.

Hugleiðum saman í tíma, svo hver fyrir sig heima hina dagana… Styrktu taugakerfið og tilfinningalega greind þína Velkomin í 40 daga ferð inn í innri frið, betri streitustjórn og aukna lífsorku! Þetta er einföld en kraftmikil dagleg venja sem byggir upp varanlega breytingu á líkama og huga. 40 dagar er nákvæmlega sá tími sem rannsóknir sýna að þarf til að mynda nýjar taugabrautir og skapa langvarandi áhrif. Hver daglegur tími er u.þ.b. 30 mínútur og samanstendur af: • Smá upphitun með stoðkerfisæfingum (5–15mín) – Léttar hreyfingar, andardráttartækni og einfaldar æfingar sem losa spennu, bæta líkamsstöðu og virkja vagus-taugina til að jafna taugakerfið. • Djúpri slökun og líkamsvitund (5–10mín) – Full body scan og djúp slökun sem lætur líkamann sleppa tökum. • Virkri hugleiðslu (3–12 mín) Byrjum rólega… – Ekki bara „sitta kyrr“ heldur virk þjálfun þar sem þú notar athygli, sjónræna ímyndun eða einföld verkefni til að vera til staðar, einbeita þér og tengjast tilfinningum þínum á heilbrigðan hátt. Engin fyrri reynsla þarf. Allir velkomnir – byrjendur jafnt sem reyndir. Við byrjum saman og styðjum hvort annað alla 40 dagana. Ávinningur sem flestir upplifa eftir 40 daga: • Bætt hjartsláttarbreytileika (HRV) og sterkara parasympatíska taugakerfi → líkaminn verður betur í stakkinn búinn að takast á við streitu. • Lægri streita, kvíði og kortisólmagn. • Betri svefn, meiri orka og skýrari einbeiting. • Aukin tilfinningaleg greind – meiri sjálfsvitund, betri tilfinningastjórn og seigla. • Dýpri innri friður, gleði og tenging við sjálfan sig. Þetta er ekki bara hugleiðsla – þetta er gjöf til sjálfs þíns sem skapar varanlega breytingu. Ertu tilbúin/n að taka þátt? - Adda heldur utan um hópinn.

Við hittumst í miðjunni og förum í frisbígolf ef veður leyfir (við spilum ekki í grenjandi rigningu). Við spilum á Síðumúlavellinu sem er fyrir aftan húsnæðið. Hugarafl útvegar diska fyrir þá sem þurfa. Grétar og Haukur halda utan um hópinn.

Pæling er heimspeki hópur þar sem að lagt er áherslu á tjáningu og samtal. Hópinn geta allir sótt sem að hafa áhuga á umræðu um tilveruna, samfélagið og í rauninni bara hvað sem er. Í hverri viku verður tekið fyrir nýtt umræðuefni og verða þau tilkynnt á Facebook degi fyrir tímann. Þröstur sér um hópinn.

Í valdeflingu í þessari lotu förum við yfir sögu hugmyndafræðinnar og kynnumst Daniel Fisher og Judi Chamberlin. Tengjum baráttu þeirra og tilurð punktana saman. Ræðum einnig hvernig þeir tengjast batanum. Óskað er eftir virkri þátttöku viðstaddra. Auður leiðir hópinn í þessari lotu. Grétar sér um síðasta tíma lotunnar.

Qigong is a practice that combines gentle movement, breathing, and attention to support physical health, mental calm, and well being. We will connect our energy with the power and beauty of Iceland's earth energy. Nancy leiðir hópinn.

Unghugar er opinn hópur ungmenna á aldrinum 18 til 30 ára sem vilja taka þátt í styrkjandi og uppbyggilegri samveru með jafnöldrum. Á fimmtudögum er félagsfundur Unghuga, þá hittumst við í Ragnhildarkoti (listasmiðju). Á félagsfundum Unghuga komum við saman til að skipuleggja og móta dagskrá og framtíð hópsins. Allir Unghugar eru hvattir til þess að mæta á fundi og taka þátt í sameiginlegum ákvörðunum um málefni, stefnu og virkni hópsins. Alexander og Blær sjá um hópinn.