Í hópnum er rætt um meðvirkni og áhrif hennar á daglegt líf. Unnið er með sjálfsskoðun og viðhorf til sjálfsins með það að markmiði að auka meðvitund og styðja við bataferlið. Guffa heldur utan um hópinn.

Markmið hópsins eru umræður og fræðsla um markmið og leiðir í lyfjamálum. Að verða margs vísari um geðlyf, aukaverkanir þeirra og fráhvörf, að verða meðvitaðri um leiðir geðheilbrigðiskerfisins til sjúkdómsvæðingar og lyfjanotkun, að fræðast um hvaða hlutverki lyfin gegna eða gegna ekki í bataferli, að fræðast um leiðir til niðurtröppunar og að öðlast þekkingu á “landslagi” lyfjamála í þeim löndum sem við berum okkur saman við. Í hópnum eru ræddar margs konar leiðir; miðlað er þekkingu um lyf og áhrif þeirra á líkama og sál, efld er þekking á öðrum leiðum og þær bornar saman, aukin er þekking hópsins á lyfjaniðurtröppun og mismunandi úrræðum/leiðum sem er að finna víða erlendis, miðlað er persónulegri reynslu af lyfjum og áhrifum þeirra á hvern og einn og kynnt er hvort fyrir öðru hvaða hlutverk þau hafa haft í bataferlinu. Óskað er eftir virkri þátttöku og æskilegt að hvert og eitt miðli sinni reynslu um málefnið. Auður sér um hópinn.

Hugleiðum saman í tíma, svo hver fyrir sig heima hina dagana… Styrktu taugakerfið og tilfinningalega greind þína Velkomin í 40 daga ferð inn í innri frið, betri streitustjórn og aukna lífsorku! Þetta er einföld en kraftmikil dagleg venja sem byggir upp varanlega breytingu á líkama og huga. 40 dagar er nákvæmlega sá tími sem rannsóknir sýna að þarf til að mynda nýjar taugabrautir og skapa langvarandi áhrif. Hver daglegur tími er u.þ.b. 30 mínútur og samanstendur af: • Smá upphitun með stoðkerfisæfingum (5–15mín) – Léttar hreyfingar, andardráttartækni og einfaldar æfingar sem losa spennu, bæta líkamsstöðu og virkja vagus-taugina til að jafna taugakerfið. • Djúpri slökun og líkamsvitund (5–10mín) – Full body scan og djúp slökun sem lætur líkamann sleppa tökum. • Virkri hugleiðslu (3–12 mín) Byrjum rólega… – Ekki bara „sitta kyrr“ heldur virk þjálfun þar sem þú notar athygli, sjónræna ímyndun eða einföld verkefni til að vera til staðar, einbeita þér og tengjast tilfinningum þínum á heilbrigðan hátt. Engin fyrri reynsla þarf. Allir velkomnir – byrjendur jafnt sem reyndir. Við byrjum saman og styðjum hvort annað alla 40 dagana. Ávinningur sem flestir upplifa eftir 40 daga: • Bætt hjartsláttarbreytileika (HRV) og sterkara parasympatíska taugakerfi → líkaminn verður betur í stakkinn búinn að takast á við streitu. • Lægri streita, kvíði og kortisólmagn. • Betri svefn, meiri orka og skýrari einbeiting. • Aukin tilfinningaleg greind – meiri sjálfsvitund, betri tilfinningastjórn og seigla. • Dýpri innri friður, gleði og tenging við sjálfan sig. Þetta er ekki bara hugleiðsla – þetta er gjöf til sjálfs þíns sem skapar varanlega breytingu. Ertu tilbúin/n að taka þátt? - Adda heldur utan um hópinn.

Spjöllum saman varðandi geðheilsu og geðheilbrigðiskerfið. Fyrsti tíminn verður brainstorm yfir málefni sem hópurinn vill ræða um. Næstu tímar verður svo dregið orð út og rætt um það málefni. Helga heldur utan um hópinn

Unghugar er opinn hópur ungmenna á aldrinum 18 til 30 ára sem vilja taka þátt í styrkjandi og uppbyggilegri samveru með jafnöldrum. Á þriðjudögum hittumst við uppi í Garðarshólma (risi) og einblínum á batamiðaða samveru þar sem við leggjum mikla áherslu á tengslamyndun, bata og félagslega virkni í öruggu og stuðningsríku rými. Alexander og Blær sjá um hópinn.

Hópur fyrir alskonar fólk til að hittast og gera myndlist, verðum með þemu hverja vikuna og vinnum í alskonar verkefnum, þetta er aðallega samverustund og valdefling. léttum leiðir fyrir fólk þannig allir geta mætt, þó maður kann myndlist eða ekki. Hvetjum alla til að mæta og prófa :)) Emil heldur utanum hópinn.

Við hittumst í miðjunni og förum í frisbígolf ef veður leyfir (við spilum ekki í grenjandi rigningu). Við spilum á Síðumúlavellinu sem er fyrir aftan húsnæðið. Hugarafl útvegar diska fyrir þá sem þurfa. Grétar og Haukur halda utan um hópinn.