Miðvikudagurinn var svo sannarlega nýttur til góðra verka í Hugarafli í gær. Auk hefðbundinnar dagskrár var verið að baka piparkökur í eldhúsinu og þaðan lagði piparkökuilm um allt hús. Jólalögin voru spiluð, góður andi skapaðist og stór hópur hjálpaðist að við baksturinn. Verslunin Fjarðarkaup gaf allt hráefnið og afraksturinn verður í boði fyrir þá sem bíða í biðröð Fjölskylduhjálpar 19. og 21. desember ásamt kaffi og kakói.