Hugaraflsfólk sýndi virðingu í verki á Alþjóða geðheilbrigðisdaginn sem var haldinn hátíðlegur 10. október. Dagskráin hófst í andyri útvarpshússins við Efstaleiti. Síðan var gengið niður í Kringlu þar sem hátíðardagskrá fór fram á Blómatorginu. Mikið var um að vera í Kringlunni á Kringlukasti og margir komu við á kynningarborði Hugarafls til að kynna sér starfsemi okkar. Við þökkum öllum sem tóku virkan þátt í deginum og minnum á að 10. október er árlegur viðburður og því hægt að taka daginn frá strax fyrir næsta ár. Sjáumst þá!