Hugarró – opið streymi er vikulegur líður okkar í Hugarafli þar sem félagsmenn og vinir hafa verið með opið samtal með samfélaginu 9 vikur í röð!
Samtalið við Bjarna veitti mikla hugarró fyrir rúmri viku síðan – og vegna góðra undirtekta höfum við ákveðið að taka upp þráðinn aftur!
Um viðburðinn:
Hvað liggur þér á hjarta í tengslum við geðið, tilfinningar og almenna líðan á þessum tímum? Það getur skipt sköpum að ræða málin og þannig getum við stutt hvert annað við að komast í gegnum þetta tímabil saman.
Við í Hugarafli höfum boðið íslensku samfélagi upp á afslappað samtal um geðheilsu, tilfinningar og önnur tengd málefni á föstudögum kl. 11 níu vikur í röð og höldum ótrauð áfram í þessari viku.
Við munum senda beint út á facebook, föstudaginn 29. maí kl. 11, þar sem Bjarni Karlsson, doktor í siðfræði og prestur við sálgæslustofuna Haf, mun leitast við að svara spurningum ykkar. Hér gefst tækifæri til að senda inn spurningar, leita lausna eða tala um það sem ykkur liggur á hjarta.
Við erum hér ♥
