Laugardaginn 27. ágúst, klukkan 15:30 ætlar Hugarafl að bjóða til kaffisamsætis að Borgartúni 22. Hlaupurum og fjölskyldum þeirra sem hlupu fyrir félagið í Reykjavíkurmaraþoni er öllum boðið að koma og kynna sér starfsemi okkar um leið og þeim verður þakkað fyrir sitt frábæra framlag til þess að efla gott málefni. Félagsmenn eru einnig hvattir til að koma (fjölskyldur/aðstandendur velkomnir með!) og biðjum við þá sem vilja/geta lagt eitthvað af mörkum til að koma um kl. 14 til að hjálpa til við undirbúning.
Hlökkum til að sjá sem flesta 🙂
